Isa ka Hitabo nga Dapat Dumdumon!

Lunes, Abril 2

Nisan 14 sadto sang tuig 33 C.E. Ginpaambit ni Jesus sa iya mga apostoles ang isa ka kopa sang alak kag isa ka walay lebadura nga tinapay. Ang iya instruksion? “Padayon ninyo nga himuon ini bilang pagdumdom sa akon.”—Lucas 22:19.

Gani makaisa sa isa ka tuig, nagatipon ang mga Saksi ni Jehova sa bug-os nga kalibutan agod dumdumon ang kamatayon ni Jesus suno sa iya instruksion sang gab-i nga ginhambal niya ini. Sini nga tuig, ang Nisan 14 magasugod sa Lunes, Abril 2, pagtunod sang adlaw. Hanuot namon kamo nga ginaagda nga makigbuylog sa amon pagtinipon agod dumdumon ina nga gab-i. Palihug pamangkuta ang mga Saksi ni Jehova sa inyo lugar para sa eksakto nga oras kag duog-tilipunan.