“Kilala Mo Bala kon Sin-o ang Dios?”

GINPUKAW sini nga pamangkot ang interes sang isa ka babayi sa bagatnan-nakatundan nga bahin sang Sentral nga Asia. Naggua ini nga pamangkot sa panghapin sang Enero 22, 2004, nga gua sang amon kaupod nga magasin nga Awake! Ang babayi nagsulat sa mga manugbalhag: “Sugod sadto, nanamian na ako magbasa sang inyo mga magasin, kag nabuligan ako sini nga palambuon ang maayo nga mga prinsipio. Nangin positibo pa gid ang akon pagtamod sa kabuhi. Ginasugid ko sa tanan ang akon nahibaluan tuhoy sa aton Dios kag ang paghidait nga ginadala sini nga ihibalo.”

Sa madamo nga duog, ang matuod “tubtob sa ukbong sang duta,” nakilala na sang mga tawo ang ngalan sang Dios, nga si Jehova. (Binuhatan 1:8) Ini nga ngalan nga Yehowa sa Turkmen nga lenguahe, makita sa Turkmen nga badbad sang Balaan nga Kasulatan. Ang Salmo 8:1 mabasa: “O Jehova Ginuo namon, daw ano kahalangdon ang imo ngalan sa bug-os nga duta!”

Agod makatuon sing dugang pa tuhoy kay Jehova nga Dios, ini nga babayi nagpangabay sing kopya sang 32-pahina nga brosyur nga The Divine Name That Will Endure Forever. Makapangabay ka man sini nga brosyur sa isa sang mga Saksi ni Jehova.