Ang Ngalan sang Dios sa Musika sa Rusya

SANG 1877, ang bantog nga Ruso nga kompositor nga si Modest Mussorgsky nagbalhag sing musika pasad sa isa ka sugilanon sa Biblia. “Nagkomposo ako sing isa ka danyag nga Jesus Navinus [Josue],” sulat niya sa iya abyan, “nga napasad gid sa Biblia kag nag-usoy pa gani sang pagpangdaug ni Navinus pasulod sa Canaan.” Sa iban pa nga mga komposisyon niya, lakip sa sini “Ang Pagkalaglag ni Senaquerib,” gingamit man ni Mussorgsky ang sugilanon kag mga karakter sa Biblia.”

Talalupangdon gid nga gingamit ni Mussorgsky sa “Jesus Navinus” kag subong man sa iya 1874 nga edisyon sang “Ang Pagkalaglag ni Senaquerib” ang ngalan sang Dios sa Ruso nga lenguahe, nga ginarepresentar sa Hebreo nga Kasulatan sang apat ka konsonante—יהוה (YHWH)—kag mabasa sing halos 7,000 ka beses.

Busa, ining mga musika nga ginkomposo ni Mussorgsky nagapamatuod nga antes pa sang ika-20 nga siglo, kilala na sang mga Ruso ang ngalan sang Dios nga Jehova sa Biblia. Nagakaigo gid ini, bangod si Jehova mismo nagsiling kay Moises: “Ini amo ang akon ngalan sa gihapon, kag ini amo ang akon handumanan sa tanan nga kaliwatan.”—Exodo 3:15.

[Piktyur sa pahina 32]

Sheet music: The Scientific Music Library of the Saint-Petersburg State Conservatory named after N.A. Rimsky-Korsakov; street scene: National Library of Russia, St. Petersburg

[Credit Line sang piktyur sa pahina 32]

Ang St. Petersburg Conservatory sang 1913, diin nahamtang ang komposisyon ni Mussorgsky