Ang Maalwan nga Bata nga Babayi

SINING karon lang, ang nuebe anyos nga bata nga babayi sa Brazil, nagtunga sang iya sinuptan nga kuarta sa duha ka bahin, ang isa 18 dolyares kag ang isa 25 dolyares. Ang 18 dolyares ginhulog niya sa kahon alamutan sa ila Kingdom Hall para sa kagastuhanan sang ila kongregasyon. Kag ang 25 dolyares ginpadala niya sa sanga talatapan sang mga Saksi ni Jehova, upod ang isa ka malip-ot nga sulat, nga nagasiling: “Gusto ko ihatag ini nga donasyon para sa bug-os kalibutan nga hilikuton. Luyag ko nga makabulig sa mga kauturan sa bug-os nga kalibutan sa pagbantala sing maayong balita. Ginahatag ko ini bangod sang akon daku nga pagpalangga kag gugma kay Jehova.”

Ang mga ginikanan sining gamay nga bata nagtudlo sa iya nga importante gid ang pagsakdag sa pagbantala sang Ginharian nga hilikuton. Ginpatudok man nila sa iya nga dapat ‘padunggan si Jehova paagi sa paghatag sa Iya sang pinakamaayo nga butang.’ (Hulu. 3:9, NW) Kabay nga mangin kaangay man kita sa sinang gamay nga bata paagi sa aton makugi nga pagpakigbahin sa pagsakdag sang intereses sang Ginharian, sa aton lugar kag para sa bug-os nga kalibutan!