Nalipay Ka Bala sa “Pribilehiyo sa Mainayuhon nga Paghatag”?

ANG mga Cristiano sang una sa Filipos kilala bangod sa ila kaalwan sa pagsakdag sa matuod nga pagsimba. Sa iya inspirado nga sulat sa ila, si Pablo nagsiling: “Nagapasalamat ako pirme sa akon Dios sa tagsa ka tion nga madumduman ko kamo sa akon tagsa ka pag-ampo para sa inyo tanan, samtang nagaampo ako nga may kalipay, bangod sa gin-amot ninyo sa pagpalapnag sing maayong balita sugod sang nahaunang adlaw tubtob karon.” (Fil. 1:3-5) Indi gid malimtan ni Pablo sang si Lidia kag ang iya panimalay ginbawtismuhan kag ginpilit niya si Pablo kag ang iya mga kaupod nga magdayon sa ila.—Binu. 16:14, 15.

Wala nagdugay, ining bag-o natukod nga kongregasyon sa Filipos duha ka beses nga nagpadala sing suplay kay Pablo para sa pila ka semana nga pagtener niya upod sa mga kauturan sa Tesalonica, nga mga 160 kilometros ang kalayuon. (Fil. 4:15, 16) Pila ka tuig sang ulihi, ang  mga kauturan sa Filipos kag Macedonia may kapiutan kag “tuman nga kaimulon.” Pero, sang nabalitaan nila nga ang ginahingabot nga mga Cristiano sa Jerusalem nagakinahanglan sing bulig, gusto gid nila magbulig. Si Pablo nagpamatuod nga “labaw pa ini sa ila gid nga ikasarang.” Apang nagsulat sia: “Nagpadayon sila sa . . . pagpakiluoy nga makatigayon sang pribilehiyo sa mainayuhon nga paghatag.”—2 Cor. 8:1-4; Roma 15:26.

Mga napulo ka tuig sa tapos nga mabaton sang mga taga-Filipos ang Cristianismo, wala nagbag-o ang ila kaalwan. Sang mabalitaan nila nga ginpriso si Pablo sa Roma, ginpadala nila si Epafrodito agod dalhan sing suplay ang apostol. Naglakbay si Epafrodito sa duta kag dagat sing 1,287 kilometros. Maathag nga gusto gid sakdagon sang mga taga-Filipos si Pablo agod padayon sia nga makapabakod sa mga kauturan kag makabantala, bisan ginapriso sia.—Fil. 1:12-14; 2:25-30; 4:18.

Subong, ginakabig man nga pribilehiyo sang matuod nga mga Cristiano ang pagsakdag sa pagbantala sang Ginharian kag paghimo sing disipulo nga hilikuton. (Mat. 28:19, 20) Ginasuportahan nila ang mga intereses sang Ginharian paagi sa paghatag sang ila tion, kusog, kag kuarta. Makita sa ubos ang pila ka paagi nga masakdag mo ining hilikuton nga ginsugo sang Dios.

[Kahon sa pahina 22, 23]

MGA PAAGI SA PAGHATAG NGA GINAPILI SANG IBAN

MGA KONTRIBUSYON PARA SA BUG-OS KALIBUTAN NGA HILIKUTON

Madamo ang nagapain, ukon nagatigana, sing kantidad nga ginahulog nila sa mga kahon-alamutan nga may ngalan “Worldwide Work.”

Kada bulan, ginapadala sang mga kongregasyon ini nga kantidad sa opisina sang mga Saksi ni Jehova sa ila pungsod. Ang boluntaryo nga donasyon nga kuarta mahimo man ipadala sing direkta sa Watch Tower Bible and Tract Society of the Philippines, Inc., PO Box 2044, 1060 Manila, ukon sa sanga talatapan sang mga Saksi ni Jehova nga nagapangalagad sa inyo pungsod. (Ang boluntaryo nga mga donasyon nga ginsambit sa ubos mahimo man ipadala sa sanga talatapan sang mga Saksi ni Jehova nga nagapangalagad sa inyo pungsod.) Ang mga tseke nga ipadala sa sini nga adres dapat ipangalan sa “Watch Tower Society.” Mahimo man idonar ang mga alahas ukon iban pa nga malahalon nga mga pagkabutang. Dapat ilakip sa sini nga mga kontribusyon ang isa ka malip-ot nga sulat nga nagapahibalo nga isa ini ka direkta nga regalo.

CONDITIONAL-DONATION TRUST ARRANGEMENT

Mahimo ka magpatago sang kuarta sa Watch Tower Society para magamit sa bug-os kalibutan nga hilikuton. Apang, kon kinahanglan mo na ini, mahimo ini ibalik sa imo. Para sa dugang nga impormasyon, palihug magsulat sa Treasurer’s Office sa adres nga ginsambit diri ukon magtawag sa (02) 411-6090.

CHARITABLE PLANNING

Magluwas sa direkta nga mga regalo nga kuarta, may iban pa nga paagi sang paghatag nga makabulig sa bug-os kalibutan nga pag-alagad sa Ginharian. Lakip sa sini amo ang:

Insurance: Mahimo himuon ang Watch Tower Society nga benepisyaryo sang isa ka life insurance policy ukon sang isa ka retirement/pension plan.

Mga Deposito sa Bangko: Ang mga deposito sa bangko, sertipiko sang deposito, ukon indibiduwal nga deposito sa pagretiro mahimo ipangalan sa Watch Tower Society ukon ihatag sa sini kon mapatay na ang nagdeposito, suno sa mga ginapatuman sang bangko sa inyo lugar.

Stocks kag Bonds: Ang stocks kag bonds mahimo idonar sa Watch Tower Society subong direkta nga regalo ukon ipangalan sa Watch Tower Society subong Transfer on Death nga benepisyaryo.

Real Estate: Ang mabaligya nga real estate (balay, bilding, ukon lote) mahimo ihatag nga donasyon paagi sa direkta nga pagregalo ukon paghatag sini kon mapatay na ang tag-iya. Halimbawa kon balay ang idonar mahimo nga padayon nga maistaran ini tubtob buhi pa ang tag-iya. Pakig-anguti anay ang sanga talatapan sa inyo pungsod antes isaylo ang titulo sang bisan ano nga real estate.

Gift Annuity: Ang gift annuity isa ka kasugtanan diin mahimo isaylo sang isa ang kuarta ukon securities sa isa ka gintangduan nga korporasyon nga ginagamit sang mga Saksi ni Jehova. Bilang kabaylo, ang nagdonar, ukon ang isa nga gintangduan sang nagdonar, makabaton sing espesipiko nga kantidad kada tuig tubtob buhi sia. Ang nagdonar makabaton sang income-tax deduction sa tuig nga magsugod ang gift annuity.

Mga Testamento kag mga Trust Agreement: Mahimo ipapanubli sa Watch Tower Society ang pagkabutang ukon kuarta paagi sa isa ka legal nga testamento, ukon himuon ang Watch Tower Society subong benepisyaryo sang isa ka trust agreement. Kon ang benepisyaryo isa ka relihioso nga organisasyon, mas manubo ang buhis nga bayaran.

Subong ginapahangop sang termino nga “charitable planning,” ini nga sahi sang mga pagdonar nagakinahanglan sang pila ka pagplano sa bahin sang nagdonar. Para sa mga indibiduwal nga luyag maghatag sing pinansial nga bulig para sa bug-os kalibutan nga hilikuton sang mga Saksi ni Jehova paagi sa pila ka porma sang ginplano nga pagdonar, ginhanda ang isa ka brosyur sa Ingles kag Espanyol nga ginatig-uluhan Charitable Planning to Benefit Kingdom Service Worldwide. Ini nga brosyur ginbalhag agod maghatag sing impormasyon tuhoy sa nanuhaytuhay nga paagi sang pagdonar sa karon ukon sa tion nga mapatay ang nagdonar. Pagkatapos mabasa ang brosyur kag makonsulta ang ila mga abogado ukon manugkwenta sang buhis, madamo ang nagsuporta sa aton relihioso kag iban pa nga hilikuton sa bug-os nga kalibutan, kag nabuligan man sila nga mabuhinan ang ila ginabayaran nga buhis. Mahimo ka makatigayon sini nga brosyur paagi sa pagpangabay sa Charitable Planning Office.

Para sa dugang nga impormasyon, mahimo kamo magpakig-angot sa Charitable Planning Office, paagi sa sulat ukon sa telepono, sa adres nga nalista sa ubos, ukon makig-angot sa sanga talatapan sang mga Saksi ni Jehova sa inyo pungsod.

Charitable Planning Office

Watch Tower Bible and Tract Society of the Philippines, Inc.

186 Roosevelt Avenue

San Francisco del Monte

1105 Quezon City

Telepono: (02) 411-6090