Pinasahi nga Diskurso Publiko

Sin-o ang Kalipikado nga Maggahom sa Katawhan?

Sin-o nga gumalahom ang

• makasolbar sang problema sa ekonomiya, kag makaaman sing bastante nga pagkaon kag maayo nga puluy-an sa tanan nga tawo?

• makapugong sang mga kalamidad, agod indi na maeksperiensiahan sang mga tawo ang kahalitan nga tuga sang mga tsunami, bagyo, ukon mga linog?

• makaayo sang tanan nga balatian, kag makapasag-uli sang pagkapamatan-on sang mga tigulang?

• makapauntat sang tanan nga inaway, agod may paghidait kag kalig-unan ang iya mga sakop?

• makapabalanse liwat sang ekolohiya sang duta, kag makahimo sa duta nga paraiso?

Isa lang ka Gumalahom ang makahimo sini tanan nga kaayuhan. Sin-o ini nga Gumalahom? Ini nga pamangkot pagasabton sa diskurso publiko nga “Sin-o ang Kalipikado nga Maggahom sa Katawhan?” Ining pasad sa Biblia nga pamulongpulong pagahiwaton sa kapin sa 230 ka kadutaan sa bug-os nga kalibutan. Sa kalabanan nga duog, ipamulongpulong ini sa Kingdom Hall sang mga Saksi ni Jehova sa Domingo, Abril 6, 2008. Ang mga Saksi sa inyo lugar malipay sa pagsugid sa inyo sang oras kag kon diin ini hiwaton. Ginaagda ka gid namon nga magtambong.