Ang Labing Importante nga Petsa sa Maragtas

Amo ini ang petsa nga napatay si Jesucristo. Ngaa importante gid ang kamatayon ni Jesus? Tungod sa pila ka rason.

Ang katutom ni Jesus asta sa kamatayon pamatuod nga puede magpabilin nga matutom ang tawo sa Dios.

Ang kamatayon ni Cristo naghatag man sing kahigayunan sa pila ka tawo nga maggahom kaupod niya sa langit. Nangin paagi man ini para madamo pa ang puede mabuhi sing walay katapusan sa paraiso sa duta.

Sang gab-i antes sia mapatay, gingamit ni Jesus ang tinapay nga walay lebadura kag ang pula nga alak bilang mga simbulo sang iya mahigugmaon nga halad subong tawo. Kag nagsiling sia sa iya mga disipulo: “Padayon nga himuon ninyo ini bilang pagdumdom sa akon.” (Lucas 22:19) Luyag mo man bala dumdumon ining importante nga hitabo?

Ginaagda ka gid sang mga Saksi ni Jehova nga magbuylog sa ila pagsaulog sang Anibersaryo sang kamatayon ni Jesus. Sa sini nga tuig hiwaton ini sa Huwebes, Abril 9, pagtunod sang adlaw. Puede ka makatambong sa pinakamalapit nga Kingdom Hall sa imo ginaistaran. Palihug pamangkuta ang mga Saksi ni Jehova sa inyo lugar kon ano oras kag kon diin ini hiwaton.