Si Jesus “Nagakuha sang Sala sang Kalibutan”

Nagsiling si Juan nga Manugbawtismo nga si Jesus “nagakuha sang sala sang kalibutan.” (Juan 1:29) Nagapatalupangod ini sa katungdanan ni Jesus sa pagluwas sa matinumanon nga katawhan.

Apang ngaa kinahanglan mapatay si Jesus para maluwas ang mga makasasala?

Ano ang iya nahimo sa kinabubut-on nga paghatag sang iya kabuhi?

Sin-o ang mga makabenepisyo sa iya kamatayon?

Ano ang kahulugan sini para sa imo?

Kada tuig, nagatipon ang mga Saksi ni Jehova sa pagdumdom sang kamatayon ni Jesus. Sa sini nga tuig, ang anibersaryo sang iya kamatayon matupa sa Domingo, Abril 17, pagtunod sang adlaw.

Mainit ka nga ginaagda sang mga Saksi ni Jehova sa pagtipon upod sa ila para usisaon ang importansia sang kamatayon ni Jesus. Binagbinagon ang sabat sang Biblia sa nasambit nga mga pamangkot.

Puede ka makatambong sa pinakamalapit sa inyo. Palihug pamangkuta ang mga Saksi ni Jehova sa inyo lugar kon ano nga oras kag kon diin ini hiwaton.