Ano si Jesus Para sa Imo?

Ginahunahuna mo bala si Jesus subong lapsag, nagatagumatayon nga tawo, ukon gamhanan nga Hari?

Ginapakita sang Biblia nga si Jesus isa ka gamhanan nga Hari. Pero ano ang kahulugan sini para sa imo?

Madamo ang nagapati nga napatay si Jesus para sa ila. Pero paano ang kamatayon sang isa ka tawo mga 2,000 ka tuig na ang nagligad nagakahulugan sing kabuhi sa iban karon?

Ginaagda ka namon nga pamatian ang sabat sang Biblia sa sini nga mga pamangkot. Ipresentar ini sa pagsaulog sang mga Saksi ni Jehova sang kamatayon ni Jesus. Subong nga tuig hiwaton ini sa Huebes, Abril 5, pagtunod sang adlaw.

Palihug pamangkuta ang mga Saksi ni Jehova sa inyo lugar sa eksakto nga oras kag lugar nga pagahiwatan sini.

Sa Sabado ukon Domingo sina nga semana, ang mga Saksi ni Jehova magapresentar man sing isa ka makapainteres nga pamulongpulong pasad sa Biblia nga natig-uluhan “Ginahunahuna Mo Bala nga Malayo Pa ang Katapusan?” Ini nga pamulongpulong isa sa mga paagi para malab-ot ang tanan nga nagahigugma kay Jesus sa bilog nga kalibutan. Ginaagda ka man nga magtambong.