Sabat sa mga Pamangkot sa Biblia
Ano ang ngalan sang Dios?
Ang tanan nga miembro sang aton pamilya may ngalan. Bisan gani ang aton mga hinuptanan! Gani makatarunganon bala nga may ngalan ang Dios? Sa Biblia, ang Dios may madamo nga titulo, pareho sang Labing Gamhanan, Soberanong Ginuo, kag Manunuga, pero may ngalan man sia.—Basaha ang Salmo 148:13.
Madamo nga translation sa Biblia ang may ngalan sang Dios sa Salmo 83:18. Halimbawa, sa New World Translation of the Holy Scriptures, ini nga bersikulo nagasiling: “Ang imo ngalan amo si Jehova, nga ikaw lamang ang Labing Mataas sa bug-os nga duta.”
Ngaa dapat naton gamiton ang ngalan sang Dios?
Gusto sang Dios nga gamiton naton ang iya ngalan. Nagagamit kita sang ngalan kon nagapakig-istorya kita sa aton mga hinigugma, pareho sang aton suod nga mga abyan. Dapat amo man sini kon nagapakighambal kita sa Dios. Dugang pa, ginapalig-on ni Jesucristo ang paggamit sang ngalan sang Dios.—Basaha ang Mateo 6:9; Juan 17:26.
Pero para mangin abyan sang Dios, dapat makilala pa gid naton sia, indi lang ang iya ngalan. Halimbawa, ano ang kinaiya sang Dios? Posible bala nga mangin suod sa Iya? Makita mo ang sabat parte sa sini sa Biblia.
Basi Manamian Ka Man
IMPORTANTE NGA MGA PANUDLO SANG BIBLIA
May Ngalan Bala ang Dios?
Ang Dios may madamo nga titulo, lakip ang Labing Gamhanan, Manunuga, kag Ginuo. Pero ang personal nga ngalan sang Dios gingamit sing mga 7,000 ka beses sa Biblia.
SABAT SA MGA PAMANGKOT SA BIBLIA
Pila ang Ngalan sang Dios?
Nagapati ang mga tawo nga ang ngalan sang Dios amo ang ‘Allah,’ ‘Alpha kag Omega,’ ‘El Shaddai,’ kag ‘Jehova-Jireh.’ Importante bala kon ano ang pagtawag naton sa Dios?
SABAT SA MGA PAMANGKOT SA BIBLIA
Jesus Bala ang Ngalan sang Dios?
Wala gid ginpakilala ni Jesus ang iya kaugalingon subong ang Labing Gamhanan nga Dios. Ngaa?
