Sabat sa mga Pamangkot sa Biblia
Mahibaluan bala naton ang kamatuoran parte sa Dios?
Ngaa gusto sang Dios nga mahibaluan naton ang kamatuoran? Basaha ang Juan 17:3
Ang Dios nagapakigkomunikar sa katawhan. Gingamit niya ang iya balaan nga espiritu, ukon aktibo nga puersa, agod mabutang sa hunahuna sang mga manunulat sang Biblia ang iya mga panghunahuna. (2 Pedro 1:20, 21) Mahibaluan naton ang kamatuoran parte sa Dios paagi sa pagbasa sing Biblia.—Basaha ang Juan 17:17; 2 Timoteo 3:16.
Sa Biblia, ginpahibalo sang Dios ang madamo nga butang parte sa iya. Ginpahibalo niya kon ngaa gintuga niya ang tawo, kon ano ang iya himuon sa katawhan, kag kon paano kita dapat magkabuhi. (Binuhatan 17:24-27) Gusto ni Jehova nga Dios nga mahibaluan naton ang kamatuoran parte sa iya.—Basaha ang 1 Timoteo 2:3, 4.
Ngaa ginabaton sang Dios ang mga mahigugmaon sa kamatuoran?
Si Jehova amo ang Dios sang kamatuoran, kag ginpadala niya ang iya Anak nga si Jesus agod tudluan ang katawhan sang kamatuoran. Gani, nabuyok kay Jesus ang mga mahigugmaon sa kamatuoran. (Juan 18:37) Gusto sang Dios nga mangin mga sumilimba ina nga mga tawo.—Basaha ang Juan 4:23, 24.
Ginpunggan ni Satanas nga Yawa ang madamo nga tawo nga makilala ang Dios paagi sa pagpalapta sang indi matuod nga mga panudlo parte sa Dios. (2 Corinto 4:3, 4) Ang mga tawo nga wala nagahigugma sa maayo naganyat sa sinang butig nga mga panudlo. (Roma 1:25) Apang minilyon ka sinsero nga tawo ang nakahibalo sang kamatuoran parte sa Dios paagi sa pagtuon sa Biblia.—Basaha ang Binuhatan 17:11.
Basi Manamian Ka Man
PARTE SA AMON
Ngaa Dapat Tun-an ang Biblia?
Minilyon karon sa bilog nga kalibutan ang nakakita sang sabat sa importante nga mga pamangkot sa kabuhi sa bulig sang Biblia. Gusto mo man bala?
ANG BIBLIA—ANO ANG MENSAHE SINI?
Ngaa Usisaon Naton ang Biblia?
Binagbinaga ang pila ka mapuslanon nga impormasyon parte sa Biblia, ang labing bantog nga libro.
