1. Dios gugma, kag nagaagda

Nga sundon huwaran N’ya.

Mangin mainayuhon ’ta

Kon may yara sing gugma.

Aton man nga matigayon

Ang kalipay nga dayon.

Ang tulad-Cristo nga gugma

Dapat gid palambuon.

2. Gugma naton kay Jehova

Kag sa kamatuoran

Nagapahulag sa aton

Nga katawhan buligan.

Gugma putli, di-maimon,

Gugma mabinatason.

Handa nga magsakripisyo

Sa kauturan naton.

3. Kaakig ’di pagpasugti,

Aligutgot likawi.

Sugo sang Dios pamatii.

Indi gid pagkalimti:

Ang Dios kag isigkatawo

Aton nga higugmaon.

Gani maghigugmaanay

Sing mapinadayunon.