Ambahanon 42
“Buligan ang mga Maluya”
1. Tagsatagsa sa aton
may kaluyahon.
Apang mahinangpanon
ang Dios sa aton.
Mahigugmaon sia
kag maluluy-on pa.
Gani halimbawa n’ya
aton nga sundon.
2. Hangpa ang kaluyahon
sang kauturan.
Kay si Cristo napatay
para sa tanan.
Ang mga maluya
ginapabakod n’ya.
Gani aton lugpayan
mga nalisdan.
3. Buligan ang maluya
nga kauturan.
Pabakuron ta sila
kag paumpawan;
Pirme palig-unon
kag aton sakdagon.
Nian ang kalipay ila
nga mabatyagan.
(Tan-awa man ang 2 Cor. 11:29; Isa. 35:3, 4; Gal. 6:2.)