MGA BAHANDI SA PULONG SANG DIOS | JOB 16-20

Palig-una kag Pabakura ang Iban Paagi sa Maayo nga mga Pulong

I-PLAY

Ang ginasiling sang manuglaygay dapat makapalig-on sa iban

Nasubuan gid kag nagaantos si Job, gani kinahanglan niya ang bulig kag pagpalig-on sang iban
Ang tatlo ka abyan ni Job wala gid sang ginsiling nga makalugpay sa iya. Sa baylo, ginsumbong nila sia kag bangod sini nagdugang ang iya pag-antos

19:2, 25

Nagpangayo sang bulig sa Dios si Job nga hatagan sia sang kaumpawan—bisan sang kamatayon
Nagpokus si Job sa ginalauman niya nga pagkabanhaw kag padayon sia nga nagbatas sing matutom

Si Elifaz:

Mahimo nga taga-Teman sa duta sang Edom. Ginapakita sang Jeremias 49:7 nga ang Teman sentro sang kaalam sang mga Edominhon
Si Elifaz ang una nga naghambal bangod mahimo nga sia ang pinakamagulang kag pinakaimpluwensiado sa mga “manuglugpay.” Tatlo ka beses sia nga naghambal kag mas malawig sangsa duha ka lalaki

Butig nga mga panumbungon:

Gintamay niya ang integridad ni Job kag nagsiling nga ang Dios wala sing pagsalig sa iya mga alagad (Job 4, 5)
Gintawag niya si Job nga makahas kag malauton kag nagsiling nga si Job wala sing kahadlok sa Dios (Job 15)
Ginsumbong niya si Job nga makagod kag may pinilian kag nagsiling nga ang tawo wala sing pulos sa Dios (Job 22)

Si Bildad:

Kaliwat sia ni Shuah. Mahimo nga nagaistar sia malapit sa Suba Eufrates
Sia ang ikaduha nga naghambal. Tatlo ka beses sia nga naghambal kag mas malip-ot ini kag mas masakit sangsa iya ni Elifaz

Butig nga mga panumbungon:

Ginpagua niya nga nakasala ang mga anak ni Job kag nagakadapat gid ang natabo sa ila kag ginpahangop niya nga wala sing Dios si Job (Job 8)
Ginpagua niya nga si Job nakahimo sang sala (Job 18)
Nagsiling sia nga ang integridad sang tawo wala sing pulos (Job 25)

Si Zofar:

Isa ka Naamanhon, mahimo nga halin sa aminhan-katundan sang Arabia
Sia ang ikatlo nga naghambal kag ang pinakamasakit maghambal. Duha ka beses lang sia nga naghambal

Butig nga mga panumbungon:

Ginsumbong niya si Job nga nagahambal sing wala pulos kag ginsilingan sia nga untatan ang iya kalainan (Job 11)
Ginpagua niya nga malaut si Job kag nalipay sa sala (Job 20)

PAGKABUHI KAG PAGMINISTERYO NGA WORKBOOK PARA SA MITING

Hiligaynon

Palig-una kag Pabakura ang Iban Paagi sa Maayo nga mga Pulong

https://cms-imgp.jw-cdn.org/img/p/202016123/univ/art/202016123_univ_sqr_xl.jpg