Sin-o ang aton abiabihon? Ang bisan sin-o nga nagatambong sa aton Cristiano nga mga miting—bag-uhan man ukon madugay na nga mga abyan. (Ro 15:7; Heb 13:2) Mahimo nga mga kauturan naton sila nga nagbisita halin sa iban nga pungsod ukon indi aktibo nga mga Cristiano nga nagtambong pagligad sang malawig nga tinuig. Kon ikaw ang sa lugar nila, indi bala malipay ka gid kon abiabihon ka sing maayo? (Mat 7:12) Gani imbes nga magpungko lang, indi bala maayo nga palapitan kag abiabihon mo ang iban antes kag pagkatapos sang miting? Kon himuon mo ini, mangin makalilipay ang pagtambong kag nagadayaw ini kay Jehova. (Mat 5:16) Siempre, indi mo gid maistorya ang tanan nga nagtambong. Pero kon himuon naton ang aton bahin, mabatyagan sang tanan nga ginaabiabi sila. *

Ang matuod nga pagkamaabiabihon ginapakita indi lamang sa espesyal nga mga okasyon pareho sang Memoryal, kundi sa tanan nga tion. Kon mabatyagan kag makita sang mga bag-uhan ang Cristianong gugma, mahimo sila mapahulag nga dayawon ang Dios kag magbuylog sa aton sa putli nga pagsimba.—Ju 13:35.