KON NGAA IMPORTANTE: Ang Dakung Instruktor nga si Jehova, nagatanyag sa aton sing pinakamaayo nga edukasyon. Ginatudluan niya kita kon paano naton mapauswag ang aton kabuhi kag ginahanda niya kita sa matahom nga palaabuton—tanan ini wala sing bayad! (Isa 11:6-9; 30:20, 21; Bug 22:17) Paagi sa edukasyon nga halin kay Jehova, ginatudluan man niya kita kon paano ipaambit sa iban ang mensahe nga nagaluwas sing kabuhi.—2Co 3:5.

KON PAANO INI HIMUON:

• Mangin mapainubuson kag mahagop.—Sa 25:8, 9

• Batuna ang paghanas nga matigayon mo subong, pareho sang asaynment sa midweek meeting

• Maghimo sing espirituwal nga mga tulumuron.—Fil 3:13

• Magsakripisyo para makabaton sing dugang nga paghanas.—Fil 3:8

TAN-AWA ANG VIDEO NGA GINPAKAMAAYO GID NI JEHOVA ANG MGA GINTUDLUAN NIYA, DAYON SABTI ANG MASUNOD NGA MGA PAMANGKOT:

• Ano nga mga kabudlayan ang nalampuwasan sang pila ka manugbantala para makaeskwela sa School for Kingdom Evangelizers?

• Ano nga mga paghanas ang mahatag sang School for Kingdom Evangelizers?

• Paano ang mga naggradwar ginbuligan sang mga miembro sang kongregasyon sa ila bag-o nga asaynment?

• Ano ang mga kinahanglanon para makapaenrol sa School for Kingdom Evangelizers? (kr 189)

• Ano pa nga paghanas ang puede mo tinguhaan sa organisasyon ni Jehova?