Ginhalad ni Jesus ang iya kabuhi para sa indi perpekto nga mga tawo. (Ro 5:8) Sigurado nga nalipay gid kita kay ginpakita ni Jesus ang iya gugma sa aton paagi sa paghatag sang iya kabuhi para sa aton. Pero kon kis-a, mahimo kinahanglan naton tandaan nga ang Cristo napatay para man sa aton utod. Paano naton masunod ang Cristo sa pagpakita sing gugma sa aton kauturan nga indi man perpekto pareho naton? Binagbinaga ang tatlo ka paagi. Una, makig-abyan kita pati sa mga tawo nga ang ginhalinan indi pareho sa aton. (Ro 15:7; 2Co 6:12, 13) Ikaduha, tinguhaan naton nga indi maghambal ukon maghimo sing butang nga makasaklaw sa iban. (Ro 14:13-15) Ikatlo, kon may makasala sa aton, tinguhaan naton nga magpatawad gilayon. (Lu 17:3, 4; 23:34) Kon tinguhaan gid naton nga sundon si Jesus sa sini nga mga paagi, buligan ni Jehova ang aton kongregasyon para padayon ini nga may paghidait kag paghiusa.

TAN-AWA ANG VIDEO NGA MANGIN MAS MATAHOM! DAYON SABTI ANG MASUNOD NGA MGA PAMANGKOT:

• Sang primero, ano ang ginabatyag ni Miki sa iya kongregasyon?

• Ngaa nagbag-o ang iya pagtan-aw sa iya kongregasyon?

• Paano ang halimbawa ni Jesus nakabulig kay Miki nga mabag-o ang iya panimuot? (Mar 14:38)

• Paano makabulig sa aton ang Hulubaton 19:11 nga tamdon sing positibo ang pareho naton nga mga Cristiano?