PAGKABUHI BILANG CRISTIANO
Dumduma ang Asawa ni Lot
Ngaa nagbalikid ang asawa ni Lot samtang nagapalagyo sia sa Sodoma? Wala ginpaathag sang Biblia. (Ge 19:17, 26) Ginpakita sang mga bersikulo parte sa paandam ni Jesus nga mahimo nanugon sia sa mga butang nga ginbiyaan niya. (Lu 17:31, 32) Ano ang himuon naton para indi naton madula ang kahamuot sang Dios kag indi mangin pareho sa asawa ni Lot? Indi naton pagpasugtan nga mangin prioridad naton ang pagpangita sing materyal nga mga butang. (Mat 6:33) Nagsiling si Jesus nga ‘indi kita makapaulipon sing dungan sa Dios kag sa Manggad.’ (Mat 6:24) Ano ang himuon naton kon nabatyagan naton nga masako na gid kita sa materyal nga mga butang kag diutay na lang ang aton tion sa espirituwal nga mga butang? Makapangamuyo kita kay Jehova nga buligan kita nga makita ang mga dapat naton bag-uhon kag hatagan kita sing kaisog kag kusog nga himuon ini.
REBYUHA ANG VIDEO NGA MAY TATLO KA BAHIN NGA DUMDUMA ANG ASAWA NI LOT, DAYON SABTI ANG MASUNOD NGA MGA PAMANGKOT:
-
Paano ko mapakita sa akon mga ginahimo nga ‘ginadumdom ko ang asawa ni Lot’?
Bangod sa pressure sang iban nga mangita sing dugang nga kuarta si Gloria, ano ang epekto sini sa iya ginahunahuna, ginahambal, kag ginahimo?
-
Ngaa paandam sa aton ang natabo sa asawa ni Lot?
-
Paano nakabulig kay Joe kag sa iya pamilya ang pag-aplikar sa mga prinsipio sa Biblia?
-
Ano ang epekto sa espirituwalidad ni Anna sang iya mga kaupod sa obra?
-
Ngaa kinahanglan naton ang kaisog kon gina-pressure kita nga unahon ang kuarta sa aton kabuhi?
-
Ano ang ginhimo ni Brian kag ni Gloria para mangin prioridad nila liwat ang espirituwal nga mga butang?
-
Ano nga mga prinsipio sa Biblia ang ginatudlo sa imo sini nga video?
