Sa iya sulat kay Tito, ginpalig-on ni apostol Pablo ang bataon nga mga lalaki, lakip na si Tito, nga tinguhaan nga mangin “halimbawa sa maayong mga buhat sa tanan nga paagi.” (Tit 2:6, 7) Sa ulihi nga bahin sang kapitulo, ginpakita niya nga ang katawhan ni Jehova gintinluan para mangin “makugi [sila] sa maayong mga buhat.” (Tit 2:14) Ang isa sa sinang maayong mga buhat amo ang pagbantala kag pagtudlo parte sa Ginharian sang Dios. Kon pamatan-on ka, magamit mo bala ang imo kusog para mangin auxiliary ukon regular payunir?—Hul 20:29.

Kon gusto mo magpayunir, planuha ini sing maayo. (Lu 14:28-30) Halimbawa, paano mo suportahan ang imo kaugalingon sa pinansial samtang nagapayunir ka? Paano mo malab-ot ang imo oras? Ipangamuyo ang imo plano kay Jehova. (Sa 37:5) Isugid ang imo plano sa imo mga ginikanan kag sa madugay na nga mga payunir. Dayon tinguhai gid nga makapayunir ka. Pakamaayuhon gid ni Jehova ang imo kakugi sa pag-alagad sa iya!

TAN-AWA ANG VIDEO NGA MGA PAMATAN-ON NGA NAGAPADUNGOG KAY JEHOVA, DAYON SABTI ANG MASUNOD NGA MGA PAMANGKOT:

• Ano ang mga kabudlayan sang pila ka payunir, kag paano nila ini nalampuwasan?

• Paano mabuligan sang mga ginikanan ang ila kabataan nga mangin regular payunir?

• Ngaa importante gid nga may iskedyul ka sa pagbantala?

• Paano mapalig-on kag mabuligan sang mga kauturan sa kongregasyon ang isa ka payunir?

• Ano nga mga pagpakamaayo ang mabaton sang mga payunir?