Ngaa dapat kita makig-upod sa mga nagahigugma kay Jehova? Bangod ang aton kaupdanan nagaimpluwensia sa aton sa maayo ukon sa malain. (Hul 13:20) Halimbawa, si Hari Jehoas naghimo sing “matarong sa panulok ni Jehova” sang kaupod pa niya ang Mataas nga Saserdote nga si Jehoiada. (2Cr 24:2) Sang napatay si Jehoiada, ginbayaan ni Jehoas si Jehova bangod nakig-upod sia sa malain nga mga tawo.—2Cr 24:17-19.

Sang unang siglo C.E., ginpaanggid ni apostol Pablo ang Cristianong kongregasyon sa “isa ka daku nga balay” kag ang mga miembro sang kongregasyon sa “mga kagamitan” sa balay. “Mangin instrumento [kita] para sa dungganon nga paggamit” kon likawan naton ang pagpakigsuod kay bisan sin-o, sa aton man pamilya ukon ka kongregasyon, nga nagahimo sang butang nga nagapasubo kay Jehova. (2Ti 2:20, 21) Gani, padayon kita nga makig-abyan sa mga nagahigugma kay Jehova kag nagapalig-on sa aton nga alagdon sia.

TAN-AWA ANG VIDEO NGA TUN-I NGA LIKAWAN ANG MALAIN NGA KAUPDANAN, DAYON SABTI ANG MASUNOD NGA MGA PAMANGKOT:

• Sa ano nga mga paagi mahimo kita maimpluwensiahan sang indi maayo nga kaupdanan?

• Sa video, ano ang nakabulig sa tatlo ka Cristiano nga untatan ang pagpakig-upod sa indi maayo nga kaupdanan?

• Ano nga mga prinsipio sa Biblia ang makabulig sa imo nga mangin maalamon sa pagpili sing kaupdanan?