“Sa ulihi nga bahin sang mga adlaw”

Ang tion naton subong

“Ang bukid sang balay ni Jehova”

Ang mataas nga porma sang pagsimba kay Jehova

“Magadugok sa sini ang tanan nga pungsod”

Ang mga nagabaton sang putli nga pagsimba nahiusa nga nagatipon

“Kari kamo, mataklad kita sa bukid ni Jehova”

Ang matuod nga mga sumilimba nagaagda sa iban nga mag-upod sa ila

“Tudluan niya kita sang iya dalanon, kag magalakat kita sa iya mga banas”

Paagi sa iya Pulong, ginatudluan kita ni Jehova kag ginabuligan nga magkabuhi nga nagapahalipay sa iya

“Indi na sila magtuon sa pagpakig-away”

Ginlaragway ni Isaias nga ang mga gamit sa inaway ginhimo nga mga gamit sa pagpanguma. Ginapakita sini nga ang katawhan ni Jehova magapakighidait. Ano ini nga mga gamit sang panahon ni Isaias?

“Ang ila mga espada nga mangin mga punta sang arado”

1 Ang punta sang arado amo ang nagapihak sang duta. Ang iban sini human sa metal.—1Sa 13:20

“Ang ila mga bangkaw nga mangin mga garab nga inughagbas”

2 Ang garab ginagamit sadto sa pag-utod sang mga ubas.—Isa 18:5