KON NGAA IMPORTANTE: Ang mga hinaplas kag ang iban nga mga karnero nagaagda sa tanan nga sahi sang tawo nga “magkuha sang tubig sang kabuhi nga wala sing bayad.” (Bug 22:17) Ining simbuliko nga tubig nagarepresentar sang tanan nga aman ni Jehova para luwason ang matinumanon nga mga tawo sa sala kag kamatayon. Para mabuligan ang mga tawo nga may lainlain nga kustombre kag relihioso nga pagpati, dapat naton ipresentar ang “wala sing katapusan nga maayong balita” sa paagi nga makapainteres sa ila bilang indibiduwal.—Bug 14:6.

KON PAANO INI HIMUON:

• Magpili sing topiko kag teksto nga makatandog sa tagipusuon sang mga tawo sa inyo teritoryo. Mahimo ka maggamit sang sampol nga pag-istoryahanay ukon isa ka paagi nga natilawan mo nga epektibo. Ano nga mga topiko kag teksto ang makapainteres? May ara bala bag-o nga balita nga ginaistoryahan sang mga tawo? Ano nga topiko ang makapainteres sa isa ka lalaki ukon babayi?

• Ilakip sa inyo pag-istoryahanay ang mga panamyaw ukon kustombre nga kinaandan sa inyo lugar.—2Co 6:3, 4

• Mangin pamilyar sa mga publikasyon kag mga video sa aton Teaching Toolbox nga mapaambit mo sa isa nga interesado

• Mag-download sing mga publikasyon kag mga video sa mga lenguahe sang mga tawo nga mahimo mo maistorya sa inyo teritoryo

• Ipasibu ang imo topiko depende sa kinahanglanon sang tagbalay. (1Co 9:19-23) Halimbawa, ano ang imo ihambal kon nabal-an mo nga bag-o lang namatyan ang tagbalay?

TAN-AWA ANG VIDEO, DAYON SABTI ANG MASUNOD NGA MGA PAMANGKOT:

• Ano nga topiko ang gingamit sang manugbantala sa pagpakig-istorya sa tagbalay?

• Ano ang nagakatabo sa kabuhi sang tagbalay?

• Diin sa pililian nga mga teksto ang pinakamaayo sa sini nga kahimtangan, kag ngaa?

• Paano mo ginapasibu ang imo presentasyon para makapainteres ini sa mga tawo sa inyo teritoryo?