Sa madamo nga tion halin sang una, nabuligan sang sekular nga mga awtoridad ang katawhan ni Jehova. (Esd 6:1-12; Est 8:10-13) Bisan sa moderno nga tion, nakita naton nga “ang duta”—ang mga elemento sining sistema nga mas makatarunganon—nagtulon sang “suba” sang paghingabot sang “dragon,” nga si Satanas nga Yawa. (Bug 12:16) Kon kaisa, mahimo pahulagon ni Jehova, “ang Dios nga nagaluwas,” ang mga tawo nga manuggahom para buligan ang iya katawhan.—Sa 68:20; Hul 21:1.

Ano abi kon napriso ka bangod sang imo pagtuo? Makasalig ka nga indi ka pagpabay-an ni Jehova. (Ge 39:21-23; Sa 105:17-20) Sigurado nga padyaan niya ang imo pagtuo, kag ang imo integridad nagapalig-on sa imo mga kauturan sa bilog nga kalibutan.—Fil 1:12-14; Bug 2:10.

TAN-AWA ANG VIDEO NGA GINPAGUA SA PRISUHAN ANG MGA UTOD SA KOREA, DAYON SABTI ANG MASUNOD NGA MGA PAMANGKOT:

• Ngaa linibo sa aton mga brother ang ginpriso sa South Korea sa madamo nga tuig?

• Ano nga mga desisyon sang korte ang nagresulta sa paghilway dayon sa iban naton nga mga brother?

• Paano kita makabulig sa aton mga utod sa bilog nga kalibutan nga napriso bangod sang ila pagtuo?

• Paano naton dapat gamiton ang aton kahilwayan subong?

• Sin-o gid ang aton pasalamatan sa nabaton naton nga mga kadalag-an sa korte?