Ang pagpatindog sang templo sa Israel nagakinahanglan sing daku nga pagpangabudlay kag gasto. Apang, ginsuportahan gid ini sang mga Israelinhon. (1Cr 29:2-9; 2Cr 6:7, 8) Sang natapos na ang templo, ang pagmentinar sini sang mga Israelinhon nagapakita kon bala mabakod ang ila espirituwalidad ukon indi. (2Ha 22:3-6; 2Cr 28:24; 29:3) Sa karon, ang mga Cristiano nagahinguyang sing daku nga tion kag kusog sa pagpatindog, pagpaninlo, kag pagmentinar sa mga Kingdom Hall kag Assembly Hall. Apang ang pagpangabudlay upod kay Jehova sa sining paagi isa gid ka pribilehiyo kag bahin sang aton sagrado nga pag-alagad.—Sa 127:1; Bug 7:15.

• Pagpaninlo kada tapos miting. Kon ginatugot sang imo kahimtangan, puluta ang mga sagbot malapit sa imo pulungkuan.

• Pagpakigbahin sa regular nga pagpaninlo kag pagmentinar sa Kingdom Hall. Kon madamo ang nagapakigbahin, makalilipay kag mamag-an ang pag-obra.—lv 92-93 ¶18.

• Pagbulig sa pinansial. Ang tinagipusuon nga pag-amot sing bisan “duha lang ka sensilyo” nagapahamuot kay Jehova.—Mar 12:41-44.

• Pagboluntaryo sa pagpatindog kag pagkay-o sang teokratiko nga mga pasilidad kon ginatugot sang imo kahimtangan. Indi kinahanglan nga may eksperiensia ka sa konstruksion para makapakigbahin.