Ano nga mga kabudlayan ang ginaatubang mo kada adlaw? Isa ka bala ka amay nga may madamo nga responsibilidad? Nagasolo ka bala nga ginikanan nga nagatinguha nga masuportahan ang imo pamilya? Isa ka bala ka estudyante nga ginaipit sang imo mga kaeskwela? Nagabalatian ka bala ukon nagaantos bangod sang katigulangon? Tanan kita may mga kabudlayan gid. Madamo nga Cristiano ang nagaatubang pa gani sang dululungan nga mga problema. Pero, nahibaluan naton nga malapit na kita hilwayon ni Jehova sa sini nga mga kabudlayan.—2Co 4:16-18.

Samtang wala pa ini, nalipay kita mahibaluan nga nahangpan ni Jehova ang aton mga kabudlayan. Ginaapresyar niya ang aton katutom kag pagbatas kag pakamaayuhon gid niya kita sing bug-os sa palaabuton. (Jer 29:11, 12) Interesado man si Jesus sa aton. Samtang ginahimo naton ang aton responsibilidad bilang Cristiano, ginapasalig niya kita: “Kaupod ninyo ako.” (Mat 28:20) Kon pamalandungan naton ang kahilwayan nga aton mabaton paagi sa Ginharian sang Dios, magabakod ang aton paglaum kag determinasyon nga batason ang mga kabudlayan subong.—Ro 8:19-21.

TAN-AWA ANG VIDEO NGA SAMTANG NAGAHILAPIT ANG KATAPUSAN, HUPTI ANG INYO HUNAHUNA NGA NAKAPOKUS KAY JESUS!—PALAABUTON NGA MGA PAGPAKAMAAYO SANG GINHARIAN, DAYON SABTI ANG MASUNOD NGA MGA PAMANGKOT:

• Paano napahilayo ang katawhan sa Dios, kag ano ang resulta?

• Ano ang palaabuton sang mga matutom kay Jehova?

• Paano mangin posible ining matahom nga palaabuton?

• Ano nga mga pagpakamaayo ang imo gid ginapaabot sa ginsaad nga bag-ong kalibutan?