Subong, ginahimo sang kalibutan nga malain ang maayo kag ang maayo nga malain. (Isa 5:20) Makapasubo nga may mga tawo nga nagahimo sang mga ginadumtan ni Jehova. Lakip diri ang pagpakigrelasyon sang lalaki sa lalaki ukon sang babayi sa babayi. Ang mga pamatan-on mahimo impluwensiahan sang ila mga kaeskwela ukon sang iban nga maghimo sing malain. Paano mo mabuligan ang imo kabataan nga atubangon ini?

Itudlo sa inyo kabataan ang mga talaksan ni Jehova. (Le 18:3) Depende sa ila edad, amat-amat sila nga tudlui sang ginasiling sang Biblia parte sa sex. (Deu 6:7) Pamangkuta ang imo kaugalingon: ‘Natudluan ko na bala ang akon kabataan kon ano ang nagakaigo nga pagpakita sang pagpalangga, kon ngaa importante nga mangin maugdang sa pamayo, kag kon ngaa dapat tahuron sang iban ang ila privacy? Kabalo na bala sila sang dapat nila himuon kon may magpatan-aw sa ila sang pornograpiya ukon suguon sila nga himuon ang ginasiling ni Jehova nga malain?’ Kon natudluan sila sing abanse, malikawan nila ang katalagman. (Hul 27:12; Man 7:12) Paagi sa pagtudlo sa inyo kabataan, ginapakita ninyo nga ginapabaloran gid ninyo ang inyo palanublion halin kay Jehova.—Sa 127:3.

TAN-AWA ANG VIDEO NGA MAGTUKOD SING BALAY NGA MAKABATAS UKON INDI MAGUBA—AMLIGI ANG IMO KABATAAN SA “KON ANO ANG MALAIN,” DAYON SABTI ANG MASUNOD NGA MGA PAMANGKOT:

• Ngaa nagaduhaduha ang iban nga itudlo sa ila kabataan ang parte sa sex?

• Ngaa dapat hanason sang mga ginikanan ang ila kabataan sa “disiplina kag laygay ni Jehova”?—Efe 6:4

• Ano ang gin-aman sang organisasyon ni Jehova para buligan ang mga ginikanan sa pagtudlo sa ila kabataan parte sa sex?—w19.05 12, kahon

• Ngaa dapat mo pirme istoryahon ang imo kabataan antes pa mag-abot ang mga problema?