Kon ikaw isa ka Cristianong pamatan-on ukon estudyante sa Biblia, nagaplano ka bala nga magpabawtismo? Ngaa dapat ka magpabawtismo? Ang pagdedikar kag pagpabawtismo nagaresulta sa pinasahi nga kaangtanan kay Jehova. (Sa 91:1) Nagadul-ong man ini sa kaluwasan. (1Pe 3:21) Paano mo ini mahimo?

Pamatud-i sa imo kaugalingon nga amo ini ang kamatuoran. Kon may mga pamangkot ka, i-research ini. (Ro 12:2) Talupangda kon may mga kinahanglan ka bag-uhon kag himua ini para pahamut-an si Jehova. (Hul 27:11; Efe 4:23, 24) Pirme mangamuyo sa iya nga buligan ka. Makasalig ka nga pabakuron ka kag suportahan ni Jehova paagi sa gahom sang iya balaan nga espiritu. (1Pe 5:10, 11) May pulos gid ang imo panikasog kay ang pag-alagad kay Jehova amo ang pinakamaayo nga klase sang kabuhi!—Sa 16:11.

TAN-AWA ANG VIDEO NGA ANG DALAN PADULONG SA BAWTISMO, DAYON SABTI ANG MASUNOD NGA MGA PAMANGKOT:

• Ano nga mga kabudlayan ang nadaug sang iban para makapabawtismo?

• Paano mo mapalambo ang imo pagtuo para madedikar mo ang imo kaugalingon kay Jehova?

• Ano ang nagpahulag sa iban nga himuon ang mga kinahanglanon para mangin kalipikado sa pagpabawtismo?

• Ano nga mga pagpakamaayo ang nabaton sang mga nagpili nga mag-alagad kay Jehova?

• Ano ang kahulugan sang dedikasyon kag bawtismo?