Pareho sa mga Israelinhon sang una, ginaorganisar man subong ni Jehova ang iya katawhan para mahimo ang iya kabubut-on. Sa bilog nga kalibutan, ang mga sanga talatapan, sirkito, kongregasyon, kag mga grupo sa pag-alagad nagabuligay para mabantala ang maayong balita. Nagabantala kita sa tanan nga tawo lakip na sa mga nagahambal sing lain nga lenguahe.—Bug 14:6, 7.

Gusto mo bala magtuon sing lain nga lenguahe para mabuligan ang iban nga matun-an ang kamatuoran? Kon kulang ang imo tion para makatuon sing bag-o nga lenguahe, puede ka maggamit sing JW Language nga app para matun-an ang simple nga presentasyon. Dayon kon gamiton mo ini sa ministeryo, mabatyagan mo man ang kalipay nga nabatyagan sang aton kauturan sang unang siglo sang ang katawhan halin sa iban nga kadutaan nalipay gid nga mabatian ang “gamhanan nga mga binuhatan sang Dios” sa ila mismo lenguahe.—Bin 2:7-11.

TAN-AWA ANG VIDEO NGA MANGIN ABYAN NI JEHOVA—MAGBANTALA SA MGA TAWO NGA LAIN ANG LENGUAHE, DAYON SABTI ANG MASUNOD NGA MGA PAMANGKOT:

• San-o mo puede gamiton ang JW Language nga app?

• Ano ang pila sa mga feature sini?

• Ano nga mga lenguahe ang ginahambal sang mga tawo sa inyo teritoryo?

• Ano ang dapat mo himuon kon may interesado sa mensahe sang Ginharian nga nagahambal sing lain nga lenguahe?—od 100-101 ¶39-41