PAGKABUHI BILANG CRISTIANO
Pabakura ang Imo Pagsalig sa Pulong sang Dios
Ang Pulong sang Dios makapabag-o sang aton kabuhi. (Heb 4:12) Pero para makabenepisyo kita sa giya kag laygay sini, dapat kumbinsido kita nga ‘pulong ini sang Dios.’ (1Te 2:13) Paano naton mapabakod ang aton pagsalig sa Biblia?
Basaha ang Biblia kada adlaw. Samtang ginabasa mo ang Biblia, pangitaa ang ebidensia nga si Jehova ang Awtor sini. Halimbawa, usisaa ang laygay nga mabasa sa libro sang Hulubaton kag talupangda kon paano ini makabulig sa aton.—Hul 13:20; 14:30.
Mag-research. Mangin pamilyar sa mga pamatuod nga ang pagsulat sa Biblia gintuytuyan sang Dios. Sa Giya sa Pagtuon Para sa mga Saksi ni Jehova, pangitaa ang topiko nga “Biblia” kag sa idalom sini pangitaa ang “Gin-inspirar sang Dios.” Mapabakod mo man ang imo pagpati nga wala nagbag-o ang mensahe sang Biblia paagi sa pag-usisa sang impormasyon nga mabasa sa Apendise A3 sang Bag-ong Kalibutan nga Badbad.
TAN-AWA ANG VIDEO NGA KON NGAA MAY PAGTUO KITA SA . . . PULONG SANG DIOS, DAYON SABTI ANG MASUNOD NGA MGA PAMANGKOT:
-
Paano ang nadiskobrehan sa pader sa templo sa Karnak, Egypt, nagapamatuod nga husto ang mga ginasiling sang Pulong sang Dios?
-
Ngaa makasiling kita nga wala nagbag-o ang mensahe sang Biblia?
-
Parte sa mga inagihan sang Biblia, ngaa makasiling ka nga Pulong ini sang Dios?—Basaha ang Isaias 40:8
