PAGKABUHI BILANG CRISTIANO
Buligan Kita ni Jehova nga Masarangan ang mga Problema
Sa sining katapusan nga mga adlaw, naeksperiensiahan naton ang madamo nga problema. Kon kaisa, daw indi na naton ini masarangan. Pero kon padayon kita nga mangin suod kay Jehova, buligan niya kita nga mabatas bisan pa ang pinakamabudlay nga mga problema. (Isa 43:2, 4) Paano kita makapalapit kay Jehova kon may mga problema kita?
Pangamuyo. Kon ipabutyag naton kay Jehova ang aton ginabatyag, hatagan niya kita sing kalinong sa hunahuna kag kabakod para makabatas.—Fil 4:6, 7; 1Te 5:17.
Mga miting. Mas kinahanglan naton subong ang espirituwal nga pagkaon kag pagpakig-upod sa kauturan nga ginaaman ni Jehova paagi sa aton mga miting. (Heb 10:24, 25) Kon nagahanda kita, nagatambong, kag nagapakigbahin sa mga miting sa kongregasyon, makabenepisyo gid kita sa bulig sang espiritu ni Jehova.—Bug 2:29.
Ministeryo. Mas makapokus kita sa positibo nga mga butang kon ginahimo naton ang aton bug-os nga masarangan sa ministeryo. Mangin mas suod man kita kay Jehova kag sa aton mga masigkamanugpangabudlay.—1Co 3:5-10.
TAN-AWA ANG VIDEO NGA BATUNON KA NI JEHOVA, DAYON SABTI ANG MASUNOD NGA MGA PAMANGKOT:
-
Ano ang nakabulig kay Malu nga mangin suod kay Jehova sa mga tion nga may problema sia?
-
Pareho kay Malu, paano ang Salmo 34:18 makapaumpaw sa aton kon may mga problema kita?
-
Paano ginapakita sang eksperiensia ni Malu nga si Jehova nagahatag sing “gahom nga labaw sa kinaandan” kon may mga problema kita?—2Co 4:7
