Gusto naton nga malipay si Jehova sa tanan naton nga ginahimo. (Hul 27:11) Gani, ang aton mga desisyon dapat suno sa iya panghunahuna bisan pa wala sing espesipiko nga sugo nga nagagiya sa aton. Ano ang makabulig sa aton nga mahimo ina?

Mangin regular sa imo pagtuon sang Biblia. Kon ginabasa naton ang Biblia, daw pareho lang nga kaupod naton si Jehova. Mahibaluan naton ang panghunahuna ni Jehova kon tun-an naton ang iya pagpakig-angot sa iya katawhan sang una kag ang mga halimbawa sang mga naghimo sing maayo ukon malain sa iya pagtamod. Kon kinahanglan naton magdesisyon, buligan kita sang balaan nga espiritu nga madumduman ang mga leksion kag mga prinsipio nga natun-an naton sa Pulong sang Dios.—Ju 14:26.

Mag-research. Kon nagahimo ka sing desisyon, pamangkuta ang imo kaugalingon, ‘Ano nga mga bersikulo ukon kasaysayan sa Biblia ang makabulig sa akon nga mahibaluan ang pagtamod ni Jehova sa sini nga butang?’ Mangamuyo kay Jehova, kag gamita ang mga research tool nga matigayon sa inyo lenguahe nga makabulig sa imo nga makita kag maaplikar ang mga prinsipio sa Biblia nga para sa imo sitwasyon.—Sa 25:4.

TAN-AWA ANG VIDEO NGA DAPAT “MAGDALAGAN KITA NGA MAY PAGBATAS”—MAGKAON SING MASUSTANSIA NGA PAGKAON, DAYON SABTI ANG MASUNOD NGA MGA PAMANGKOT:

• Sa video, ano nga mga pressure ang ginaatubang sang pamatan-on nga sister?

  Imo sabat

• Paano makabulig ang mga research tool kon nagaatubang ka man sang pareho sini nga mga pressure?

  Imo sabat

• Ano ang mga benepisyo kon maghatag kita sing tion sa pag-research kag personal nga pagtuon nga makabulig sa aton nga makahimo sing husto nga mga desisyon?—Heb 5:13, 14

  Imo sabat