Pebrero 26–Marso 3
SALMO 11-15
Ambahanon 139 kag Pangamuyo | Nagabukas nga Komento (1 min.)
1. Imadyina nga Ara Ka sa Bag-o kag Malinong nga Kalibutan sang Dios
(10 min.)
Grabe ang kagamo subong bangod wala ginatuman sang mga tawo ang kasuguan (Sa 11:2, 3; w06 5/15 18 ¶3)
Makasalig kita nga dali na lang dulaon ni Jehova ang pagpamintas (Sa 11:5; wp16.4 11)
Kon pamensaron naton ang promisa ni Jehova nga luwason niya kita, makabulig ini sa aton nga maghulat sing mapinasensiahon sa bag-ong kalibutan (Sa 13:5, 6; w17.08 7 ¶15)
TILAWI INI: Basaha ang Ezequiel 34:25, kag imadyina nga ara ka sa isa ka malinong nga lugar nga ginsambit diri.—kr 236 ¶16.
2. Espirituwal nga mga Hiyas
(10 min.)
-
Sa 14:1—Paano maimpluwensiahan ang mga Cristiano sa panghunahuna nga ginsambit sa sini nga teksto? (w13 9/15 19 ¶12)
-
Sa imo pagbasa sa Biblia sini nga semana, ano nga espirituwal nga mga hiyas ang gusto mo ikomento?
3. Pagbasa sa Biblia
(4 min.) Sa 13:1–14:7 (th tulun-an 2)
4. Pagsugod sa Pag-istoryahanay
(2 min.) INDI PORMAL NGA PAGPANAKSI. Imbitaha ang imo kaistorya nga magtambong sa Memoryal. (lmd leksion 5 punto 3)
5. Pagsugod sa Pag-istoryahanay
(1 min.) PAGPAMALAYBALAY. Imbitaha ang tagbalay nga magtambong sa Memoryal. (lmd leksion 3 punto 4)
6. Pagsugod sa Pag-istoryahanay
(3 min.) PAGPAMALAYBALAY. Interesado ang tagbalay nga magtambong sa Memoryal. (lmd leksion 7 punto 4)
7. Pagtudlo Agod Mangin Disipulo
(5 min.) lff leksion 13 sumaryo, rebyu, kag ang puede mo himuon. Gamita ang isa ka artikulo sa “Dugang nga Impormasyon” nga seksion para buligan ang imo Bible study nga maintiendihan ang ginabatyag sang Dios sa butig nga relihion. (th tulun-an 12)
Ambahanon 8
8. “Ang Kaalam Mas Maayo Pa Sangsa mga Hinganiban sa Inaway”
(10 min.) Paghinun-anon.
Nagalala na gid ang kinagamo sa bilog nga kalibutan. Kabalo si Jehova nga mabalaka gid kita bangod sa kinagamo nga makita kag maeksperiensiahan naton subong. Kabalo man sia nga kinahanglan naton sing proteksion. Paagi sa iya Pulong, ang Biblia, ginaproteksionan niya kita.—Sa 12:5-7.
Ang Biblia nagaunod sang kaalam nga “mas maayo pa sangsa mga hinganiban sa inaway.” (Man 9:18) Binagbinaga kon paano ang masunod nga mga prinsipio sa Biblia makabulig sa aton para maproteksionan kita sa kinagamo.
-
Man 4:9, 10—Likawi nga mag-isahanon sa delikado nga mga lugar kag sitwasyon
-
Hul 22:3—Pirme mangin alisto sa imo palibot kon ara ka sa publiko nga lugar
-
Hul 26:17—Indi mag-entra sa mga binais nga wala ka man sing labot
-
Hul 17:14—Maghalin dayon kon daw may malain nga matabo. Magpalayo sa mga nagaprotesta
-
Lu 12:15—Indi pag-irisgo ang imo kabuhi para proteksionan ang imo pagkabutang
Ipatan-aw ang VIDEO nga Iluga ang May Pagtuo, Indi ang Wala sing Pagtuo—Si Enoc, Indi si Lamec. Dayon pamangkuta ang tumalambong:
Paano ang halimbawa ni Enoc nakabulig sa isa ka amay nga makadesisyon kon ano ang iya himuon kon may kinagamo?—Heb 11:5
Sa pila ka sitwasyon, ang isa ka Cristiano mahimo magbatyag nga kinahanglan niya depensahan ang iya kaugalingon ukon pagkabutang. Kon amo sini, dapat punggan niya ang iya kaugalingon nga makapatay sia kag makasala sa dugo.—Sa 51:14; tan-awa ang “Mga Pamangkot Gikan sa mga Bumalasa” sa Hulyo 2017 nga isyu sang Ang Lalantawan.
9. Ang Pagpang-imbitar Para sa Memoryal Magasugod sa Sabado, Marso 2
(5 min.) Pamulongpulong sang isa ka gulang. Sambita ang kahimusan para sa pagpanagtag sing imbitasyon, sa pinasahi nga pamulongpulong, kag Memoryal. Pahanumduma ang mga manugbantala nga puede sila maka-auxiliary payunir sa mga bulan sang Marso kag Abril nga may 15 ka oras nga lalab-uton.
10. Pagtinuon sang Kongregasyon sa Biblia
(30 min.) bt kap. 6 ¶9-17
