Tilawan ang ano? Ang pagpayunir! Mabaton mo ang madamo nga pagpakamaayo!—Hul 10:22.

• matigayon mo ang kalantip subong ebanghelisador kag dugang nga kalipay sa ministeryo

• mapabakod mo ang imo kaangtanan kay Jehova. Kon pirme mo ginasugid sa iban ang parte sa iya, labi mo nga mahunahuna ang iya makadalayaw nga mga kinaiya

• maeksperiensiahan mo ang pagkakontento nga resulta sang pag-una mo sang intereses sang Ginharian kag ang kalipay nga resulta sang imo pagbulig sa iban.—Mat 6:33; Bin 20:35

• matambungan mo ang miting sang mga payunir sa duaw sang manugtatap sang sirkito, pinasahi nga miting nga naangot sa sirkito nga asembleya, kag Pioneer Service School

• madamo ka pa gid sing kahigayunan sa pagsugod kag pagdumala sing pagtuon sa Biblia

• pirme mo makaupod ang imo masigkamanugbantala kag mapalig-on ang isa kag isa.—Ro 1:11, 12