9:62

Para mangin tadlong ang idas, dapat indi magbalikid ang nagaarado. Pareho man sini, indi man dapat pagbalikdon sang isa ka Cristiano ang mga butang sa kalibutan nga ginbiyaan na niya.—Fil 3:13.

Kon makaatubang kita sing kabudlayan, mahimo mapensaran dayon naton ang mga kasulhayan sang una antes naton natun-an ang kamatuoran. Daw puro lang kalipay ang aton madumduman kag ginabalewala ang mga problema sadto. Amo sina ang ginhimo sang mga Israelinhon sang nahilway sila sa Egipto. (Nu 11:5, 6) Kon pirme naton pamensaron ang nagligad, mahimo naton balikan ang aton daan nga pagkabuhi. Maayo gid nga pamensaron naton ang aton mga pagpakamaayo subong kag magpokus sa makalilipay nga palaabuton nga himuon sang Ginharian.—2Co 4:16-18.