Mabasa naton sa Biblia ang mga pangamuyo nga ginsabat ni Jehova. Sang nakita sang mga alagad sang Dios nga ginpamatian sila ni Jehova kag ginbuligan sa ila mga problema, nagbakod gid ang ila pagtuo. Gani mas maayo nga espesipiko ang aton mga pangamuyo. Dayon, hibaluon naton kon ano ang sabat ni Jehova. Dumduma nga mahimo lain ukon sobra pa sa ginapaabot naton ang iya sabat. (2Co 12:7-9; Efe 3:20) Ano ang mahimo nga sabat ni Jehova sa aton mga pangamuyo?

• Pisikal, emosyonal, kag espirituwal nga kabakod para masarangan naton ang problema.—Fil 4:13

• Kaalam para makahimo sing maayo nga desisyon.—San 1:5

• Handum kag kusog nga himuon ang isa ka butang.—Fil 2:13

• Kakalma kon may ginakabalak-an kita.—Fil 4:6, 7

• Materyal nga bulig, paumpaw, ukon pagpalig-on halin sa iban.—1Ju 3:17, 18

• Bulig para sa mga tawo nga ginapangamuyo naton.—Bin 12:5, 11

TAN-AWA ANG VIDEO NGA SI JEHOVA “MANUGPAMATI SANG PANGAMUYO,” DAYON SABTI ANG MASUNOD NGA MGA PAMANGKOT:

• Paano ang eksperiensia ni Brother Shimizu nagapalig-on sa aton kon limitado na ang aton mahimo bangod sa balatian?

• Paano naton mailog ang halimbawa ni Brother Shimizu?