Magamit naton sing maayo ang aton kusog kon ginatinguhaan naton nga alagaron sing dugang si Jehova. (1Co 9:26) Makabulig ini sa aton nga magamit sing maayo ang nabilin nga tion antes mag-abot ang katapusan sini nga sistema. (Efe 5:15, 16) Sa inyo pangpamilya nga pagsimba, puede ninyo istoryahan kon paano ninyo maalagad sing dugang si Jehova sa bag-o nga tuig sang pag-alagad. Sa sini nga workbook, may mga artikulo nga makabulig sa inyo nga mapamensaran kag mapangamuyuan kon ano pa ang puede ninyo mahimo.—San 1:5.

Halimbawa, puede bala magbuligay ang bilog nga pamilya para maka-regular payunir ang bisan isa lang sa inyo? Kon nagaduhaduha ka nga basi indi mo malab-ot ang oras, istoryaha ang pila ka payunir nga pareho sa imo ang sitwasyon. (Hul 15:22) Puede man ninyo interbyuhon ang isa ka payunir sa inyo pangpamilya nga pagsimba. Dayon maghimo sing iskedyul. Kon payunir ka sang una, binagbinaga kon puede ka na makapayunir liwat.

May ara bala sa inyo pamilya nga puede maka-auxiliary payunir sing isa ka bulan ukon sobra pa? Kon may mga limitasyon ka sa panglawas, puede ka gihapon maka-auxiliary payunir paagi sa pagministeryo sing isa ukon duha ka oras kada adlaw. Kon indi ka makabantala kon weekdays bangod full-time ang imo obra ukon nagaeskwela ka, puede mo pilion ang mga bulan nga madamo sing holiday ukon may lima ka weekend. Isulat sa imo kalendaryo kon san-o ka ma-auxiliary payunir, dayon maghimo sing iskedyul.—Hul 21:5.

TAN-AWA ANG VIDEO NGA MANGIN MAISOG . . . PAYUNIR, DAYON SABTI INI NGA PAMANGKOT:

• Ano ang matun-an naton sa eksperiensia ni Sister Aamand parte sa pagpalangga kag pag-atipan ni Jehova sa mga nagasakripisyo para makapayunir?