Gusto ni Jehova nga mangin malipayon ang mga pamilya. (Sa 127:3-5; Man 9:9; 11:9) Pero, puede madula ang aton kalipay bangod sa stress kag sa mga sala sang mga miembro sang aton pamilya. Paano makabulig ang kada isa para mangin malipayon ang pamilya?

Ang bana nagapadungog sa iya asawa. (1Pe 3:7) Nagahatag sia sing tion para sa iya. Kabalo sia kon ano lang ang masarangan sang iya asawa kag ginapasalamatan gid niya ang ginahimo sini para sa iya kag sa ila pamilya. (Col 3:15) Ginapabutyag gid niya ang iya pagpalangga kag pagdayaw sa iya asawa.—Hul 31:28, 31.

Ang asawa nagapangita sing paagi para buligan ang iya bana. (Hul 31:12) Nagapasakop sia sa iya bana. (Col 3:18) Mainayuhon sia kon nagapakig-istorya sa iya kag wala niya ginapakalain ang iya bana.—Hul 31:26.

Ang mga ginikanan nagahatag sing tion sa ila mga kabataan. (Deu 6:6, 7) Ginasilingan nila ang ila kabataan nga palangga nila sila. (Mat 3:17) Kon nagadisiplina sa ila kabataan, ginapakita nila ang pagpalangga kag paghantop.—Efe 6:4.

Ang mga kabataan nagapadungog kag nagatuman sa ila mga ginikanan. (Hul 23:22) Ginasugid nila sa ila mga ginikanan ang ila ginahunahuna kag ginabatyag. Ginabaton nila ang disiplina sang ila mga ginikanan kag ginarespeto nila sila.—Hul 19:20.

TAN-AWA ANG VIDEO NGA PALAMBUA ANG KALIPAY SA IMO PAMILYA, DAYON SABTI ANG MASUNOD NGA PAMANGKOT:

Ano ang ginhimo sang kada isa para mangin malipayon ang ila pamilya?