Ang espirituwal nga mga tulumuron nagapatuhoy sa bisan ano nga ginapanikasugan naton para maalagad si Jehova sing bug-os kag mapalipay sia. Makabulig ini sa aton nga mangin hamtong nga mga Cristiano. Takus gid ini sang aton tion kag kusog. (1Ti 4:15) Ngaa dapat naton pirme usisaon ang aton mga tulumuron? Bangod nagabag-o ang aton sitwasyon. Basi indi mo na ini masarangan lab-uton ukon nalab-ot mo na ini kag kinahanglan mo na maghimo sing bag-o.

Maayo gid kon usisaon naton ang aton mga tulumuron antes magsugod ang bag-o nga tuig sang pag-alagad. Binagbinaga ini sa inyo pangpamilya nga pagsimba kag maghimo sing personal nga mga tulumuron kag sing mga tulumuron ninyo bilang pamilya.

Ano ang imo mga tulumuron sa masunod nga mga bahin, kag paano mo ini malab-ot?