Si Jesus nagbilin sing maayo nga halimbawa nga sundon naton ilabi na kon nagaatubang kita sing mga pagtilaw ukon paghingabot. (1Pe 2:21-23) Gin-insulto si Jesus sa tion nga nagaantos sia, pero wala sia nagbalos. (Mar 15:29-32) Ano ang nakabulig sa iya nga magbatas? Gusto gid niya himuon ang kabubut-on ni Jehova. (Ju 6:38) Nagpokus man sia sa “kalipay nga ginbutang sa iya atubangan.”—Heb 12:2.

Ano ang aton himuon kon ginahingabot kita bangod sa aton pagtuo? Ang matuod nga mga Cristiano ‘wala nagabalos sing malaut sa malaut.’ (Ro 12:14, 17) Kon sundon naton ang pagbatas sang Cristo, mangin malipayon kita kay kahamut-an kita sang Dios.—Mat 5:10-12; 1Pe 4:12-14.

TAN-AWA ANG VIDEO NGA ANG NGALAN NI JEHOVA AMO ANG PINAKAIMPORTANTE, KAG SABTI ANG MASUNOD NGA MGA PAMANGKOT:

• Paano gingamit sing maayo ni Sister Pötzinger * ang iya tion samtang ara sia sa bartolina?

• Ano nga mga kabudlayan ang ginbatas nanday Brother kag Sister Pötzinger sang ara sila sa sarisari nga concentration camp?

• Ano ang nakabulig sa ila nga magbatas?