Antes maghimo sing daku ukon gamay nga desisyon, pamangkuta ang imo kaugalingon, ‘Ano ayhan ang pagtamod ni Jehova?’ Indi naton mahibaluan ang tanan nga panghunahuna ni Jehova, pero paagi sa iya Pulong buligan niya kita nga masangkapan sa “tagsa ka maayong buhat.” (2Ti 3:16, 17; Ro 11:33, 34) Nahibaluan ni Jesus ang kabubut-on ni Jehova kag amo ini ang iya prioridad. (Ju 4:34) Pareho ni Jesus, tinguhaan gid naton nga maghimo sing mga desisyon nga makapahalipay kay Jehova.—Ju 8:28, 29; Efe 5:15-17.

TAN-AWA ANG VIDEO NGA PADAYON NGA HANTUPA ANG KABUBUT-ON NI JEHOVA (LE 19:18), DAYON SABTI ANG MASUNOD NGA MGA PAMANGKOT:

• Ngaa dapat naton iaplikar ang mga prinsipio sa Biblia?

• Ano nga mga prinsipio sa Biblia ang makabulig sa aton sa pagpili sang musika?

• Ano nga mga prinsipio sa Biblia ang makabulig sa aton parte sa pamayo kag pamustura?

• Sa ano pa nga bahin sang aton kabuhi maaplikar naton ang mga prinsipio sa Biblia?

• Paano naton mapauswag ang aton ikasarang nga mabal-an ang kabubut-on ni Jehova?