Ngaa dapat naton pilion sing maalamon ang aton kalingawan? Kay ang aton ginapili nga pelikula, kanta, website, libro, ukon video game, amo ang magasulod sa aton hunahuna. May epekto man ini sa aton batasan. Makapasubo nga makita sa kalabanan nga kalingawan subong ang mga butang nga ginadumtan ni Jehova. (Sa 11:5; Ga 5:19-21) Gani ginapalig-on kita sang Biblia nga padayon nga hunahunaon ang mga butang nga nagapadungog kay Jehova.—Fil 4:8.

TAN-AWA ANG VIDEO NGA ANO NGA KALINGAWAN ANG PILION KO? DAYON SABTI ANG MASUNOD NGA MGA PAMANGKOT:

• Paano ang hampang sang mga gladiador sa Roma sang una pareho sa pila ka kalingawan subong?

• Paano mabuligan sang mga miembro sang kongregasyon ang mga pamatan-on nga mangin maalamon sa pagpili sang kalingawan?

• Paano ang Roma 12:9 makabulig sa aton sa pagpili sang kalingawan?

• Ano ang pila sa maayo nga kalingawan sa inyo lugar?