Ang brosyur nga Listen to God may mga piktyur nga gindesinyo para tudluan sang panguna nga mga kamatuoran sa Biblia ang mga nabudlayan magbasa. Ang kada leksion may duha ka pahina kag may matahom ini nga mga piktyur nga may mga arrow para mabal-an mo kon ano nga piktyur ang sunod nga istoryahan.

Ang isa pa ka brosyur nga Pamatii ang Dios Agod Magkabuhi Ka sing Walay Katapusan may mga piktyur nga pareho man sa Listen to God, pero mas madamo ini sing impormasyon nga mahimo basahon sang estudyante nga medyo kabalo magbasa. Sa masami, amo ini ang ginagamit sang mga manugbantala kon Listen to God ang ginagamit sang ila estudyante. Sa pila ka pahina sini may kahon nga nagahatag sing dugang nga impormasyon nga mahimo ninyo istoryahan, depende sa ikasarang sang estudyante.

Mahimo mo itanyag ang brosyur sa bisan ano nga tion, bisan pa indi ini ang tanyag sa sina nga bulan. Kon nagadumala sing pagtuon sa Biblia, gamita ang mga piktyur sa pagpaathag sang kasaysayan sa Biblia. Pamangkuta ang estudyante para mabal-an mo kon naintiendihan niya ini. Basaha kag binagbinaga ninyo ang mga teksto sa ubos sang kada pahina. Kon matapos na ninyo ang brosyur, tun-i ninyo ang Ano Gid ang Ginatudlo sang Biblia? ukon ang What Can the Bible Teach Us? para buligan sia nga mag-uswag padulong sa bawtismo.