KON NGAA IMPORTANTE: Madamo sang mga bulag ang nahuya magpakig-istorya sa mga indi nila kilala. Gani, dapat kabalo kita kon paano sila panaksihan. Palangga ni Jehova ang mga bulag kag nagaulikid sia sa ila. (Le 19:14) Mailog naton ang iya halimbawa paagi sa pagbulig sa mga bulag nga mangin abyan ni Jehova.

KON PAANO HIMUON:

• “Pangitaa” ang mga bulag. (Mat 10:11) May kilala ka bala nga may miembro sang pamilya nga bulag? May mga eskwelahan bala, institusyon, ukon mga pasilidad para sa mga bulag sa inyo teritoryo nga gusto makabaton sang mga publikasyon para sa mga bulag?

• Magpakita sang personal nga interes. Kon mainabyanon ka kag sinsero, indi matahap ang mga bulag sa imo. Istoryaha sila parte sa mga topiko nga masami makapainteres sa mga tawo sa inyo lugar

• Buligi sila nga makilala si Jehova. Para mabuligan ang mga bulag ukon ang mga may diperensia sa mata, nagbalhag ang organisasyon sang mga literatura sa sarisari nga pormat. Pamangkuta sila kon ano ang ila gusto nga pormat. Dapat siguraduhon sang manugtatap sang pag-alagad nga ang ginsulat sang literature servant sa request amo ang pormat nga gusto sang bulag