Gusto ni Jehova, ang “malipayon nga Dios,” nga malipay kita sa aton ministeryo. (1Ti 1:11) Nagadugang ang aton kalipay samtang ginapauswag naton ang aton mga ikasarang. Ang pagpamangkot makapainteres kag kinaandan na para masugdan ang pag-istoryahanay. Ang mga pamangkot makabulig sa mga tawo nga makapamensar kag mangatarungan. (Mat 22:41-45) Paagi sa pagpamangkot kag pagpamati, daw pareho lang nga nagasiling kita, ‘Importante ka sa akon.’ (San 1:19) Ang iya sabat makabulig sa aton nga mahibaluan kon paano pa gid padayunon ang pag-istoryahanay.

TAN-AWA ANG VIDEO NGA MAGKALIPAY SA PAGHIMO SANG DISIPULO—PAUSWAGA ANG IMO MGA IKASARANG—PAGGAMIT SANG MGA PAMANGKOT, DAYON SABTI ANG MASUNOD NGA MGA PAMANGKOT:

• Ano ang maayo nga mga kinaiya nga ginpakita ni Jade?

• Paano naggamit si Neeta sang mga pamangkot para magpakita sang personal nga interes?

• Paano naggamit si Neeta sang mga pamangkot para mangin interesado pa gid si Jade sa maayong balita?

• Paano naggamit si Neeta sang mga pamangkot para buligan si Jade nga makapamensar kag makapangatarungan?