Makapaluya gid sa aton ang mga pagtilaw, ilabi na kon madugay ini madula. Kabalo si David nga ang pagtilaw nga ginahimo sa iya ni Hari Saul matapos gid kag mangin hari sia suno sa ginpromisa ni Jehova. (1Sa 16:13) Ang pagtuo ni David nakabulig sa iya nga mangin mapinasensiahon kag maghulat kay Jehova.

Kon may pagtilaw, mahimo naton gamiton ang aton kaalam, ihibalo, ukon ikasarang sa paghunahuna para bag-uhon ang aton sitwasyon. (1Sa 21:12-14; Hul 1:4) Pero, ang pila ka kabudlayan ara gihapon bisan pa nahimo na naton ang tanan suno sa mga prinsipio sa Biblia. Kon amo sini, dapat kita mangin mapinasensiahon kag maghulat kay Jehova. Sa indi madugay, dulaon niya ang tanan naton nga pag-antos kag “pahiran niya ang tagsa ka luha” sa aton mga mata. (Bug 21:4) Naghalin man kay Jehova ang paumpaw sa aton ukon sa iban pa nga paagi, isa lang ang aton masaligan: Ang tanan nga pagtilaw may katapusan. Ini nga kamatuoran nagapaumpaw sa aton.

TAN-AWA ANG VIDEO NGA NAHIUSA NGA KATAWHAN SA NABAHINBAHIN NGA KALIBUTAN, DAYON SABTI ANG MASUNOD NGA MGA PAMANGKOT:

• Ano nga mga kabudlayan ang naeksperiensiahan sang pila ka Cristiano sa nabagatnan sang United States?

• Paano nila ginpakita ang pagkamapinasensiahon kag gugma?

• Ano ang ginhimo nila para padayon sila nga makapokus sa “mas importante nga mga butang”?—Fil 1:10