Masiling nga mag-abyan ang duha ka tawo kon suod sila, kag ginapalangga nila kag ginarespeto ang isa kag isa. Halimbawa, nangin mabakod gid ang pag-abyanay ni Jonatan kag ni David sa tapos mapatay ni David si Goliat. (1Sa 18:1) May mga kinaiya ang kada isa nga nagpasuod pa gid sa ila. Gani, ang mabakod nga pag-abyanay nabase sa sibu nga ihibalo. Sa masami, kinahanglan sang tion kag panikasog para makilala mo ang isa ka tawo. Pero sa mga social network, puede mo mangin “abyan” ang isa ka tawo sa isa lang ka click. Maplano na nga daan sang isa kon ano ang iya ihambal ukon kon paano niya ipakilala ang iya kaugalingon sa online, gani mahapos niya matago kon sin-o gid sia. Gani, pamensara gid sing maayo kon sin-o ang imo i-accept nga friend online. Kon indi mo kilala ang nag-friend request sa imo, i-delete ini, kag indi pagpamensara nga basi maglain ang buot niya sa imo. Ang iban wala nagagamit sang mga social network para malikawan nila ang katalagman. Pero kon nagagamit ka sang social network, ano ang dapat mo tandaan?

TAN-AWA ANG VIDEO NGA MANGIN MAALAMON SA PAGGAMIT SANG SOCIAL-NETWORK, DAYON SABTI ANG MASUNOD NGA MGA PAMANGKOT:

• Ano ang dapat mo anay pamensaron antes ka mag-comment kag mag-post sang mga piktyur?

• Ngaa dapat mo pilion sing maayo ang imo mga friend online?

• Ngaa dapat limitahan mo ang oras nga ginagamit mo sa social network?—Efe 5:15, 16