Napierde ni David si Goliat bangod nagsalig sia kay Jehova. (1Sa 17:45) Gusto ni Jehova ipakita ang iya kusog para sa tanan niya nga alagad. (2Cr 16:9) Paano naton mapakita nga nagasalig kita sa bulig ni Jehova imbes sa aton kaugalingon nga eksperiensia kag abilidad? Ari ang tatlo ka paagi:

• Pirme mangamuyo. Mangamuyo indi lang para mangayo sing kapatawaran sang imo sala kundi para mangabay man sing kaisog nga mabatuan ang pagsulay. (Mat 6:12, 13) Mangamuyo indi lang para pakamaayuhon ni Jehova ang imo ginhimo nga desisyon kundi para man pangabayon ang iya giya kag kaalam antes magdesisyon.—San 1:5.

• Mangin regular sa imo pagbasa kag pagtuon sang Biblia. Basaha ang Biblia kada adlaw. (Sa 1:2) Pamalandungi ang mga halimbawa sa Biblia, kag iaplikar ang imo mga natun-an. (San 1:23-25) Maghanda para sa ministeryo, imbes nga magsalig sa imo kaugalingon nga eksperiensia. Handai sing abanse ang pagatun-an sa mga miting sang kongregasyon para makabenepisyo ka gid.

• Magpasakop sa organisasyon ni Jehova. Hibalua kon ano ang pinakabag-o nga mga direksion sang organisasyon kag sunda ini dayon. (Nu 9:17) Pamatii ang mga laygay kag instruksion sang mga gulang.—Heb 13:17

TAN-AWA ANG VIDEO NGA WALA SING RASON NGA MAHADLOK SA PAGHINGABOT, DAYON SABTI ANG MASUNOD NGA MGA PAMANGKOT:

• Ano ang ginakahadlukan sang mga kauturan?

• Ano ang nakabulig sa ila para indi mahadlok?