Ang mga matinlo lang sa moral ang puede mangin suod kay Jehova. (1Pe 1:14-16) Kon untatan sang mga Bible study ang ila malain nga mga buhat, mangin maayo ang ila panglawas, makabenepisyo ang ila pamilya, kag malikawan nila ang problema sa kuarta.

Ipaathag sa imo mga Bible study ang mga kasuguan ni Jehova sa moral, kon ngaa dapat nila ini sundon, kag kon ano ang mga benepisyo kon himuon nila ini. Buligi sila nga bag-uhon ang ila panghunahuna para matuman nila si Jehova. (Efe 4:22-24) Pasaliga sila nga buligan sila ni Jehova nga mauntatan nila ang ila madugay na nga malain nga buhat. (Fil 4:13) Tudlui sila nga mangamuyo kay Jehova kon ginasulay sila nga maghimo sing sala. Buligi sila nga mabal-an kon ano nga mga sitwasyon ang dapat nila likawan para indi sila matentar nga makasala. Palig-una man sila nga maghimo sang maayo nga mga buhat. Malipay ka gid kon makita mo nga nagahimo sing mga pagbag-o ang imo mga Bible study paagi sa bulig ni Jehova.

TAN-AWA ANG VIDEO NGA BULIGI ANG IMO MGA ESTUDYANTE SA BIBLIA NGA MADAUG ANG MAHIGKO NGA MGA BUHAT, DAYON SABTI ANG MASUNOD NGA MGA PAMANGKOT:

• Paano ginpabatyag sang mga gulang kag ni Neeta kay Jade nga may salig sila sa iya?

• Ano pa ang ginhimo ni Neeta para mabuligan si Jade?

• Ano ang ginhimo ni Jade para buligan sia ni Jehova?