May apat kita ka video nga ginagamit para sa Bible study. Ano ang katuyuan sang kada video?

• Ngaa Dapat Tun-an ang Biblia?—Malawig nga Bersion. Gindesinyo ini para pukawon ang interes sang tawo sa Biblia bisan ano man ang iya relihion. Ginapahulag sini ang nagatan-aw nga pangitaon sa Biblia ang sabat sa importante nga mga pamangkot kag makita diri ang isa ka halimbawa sang makapakumbinsi nga sabat. Ginasugid man diri kon paano makapangabay sang pagtuon sa Biblia.

• Ngaa Dapat Tun-an ang Biblia? (malip-ot nga bersion). Pareho ini sa malawig nga bersion pero ginpalip-ot lang. Manami ini gamiton sa mga teritoryo nga masako ang mga tawo.

• Paano Ginahimo ang Pagtuon sa Biblia? Gindesinyo ini para mangin interesado ang mga tawo sa aton libre nga pagtuon sa Biblia kag para masabat ang pila ka pamangkot parte sini, lakip na kon paano mangabay sang pagtuon sa Biblia.

• Welcome sa Imo Pagtuon sa Biblia. Gindesinyo ini para ipatan-aw sa mga Bible study. Bisan pa makita ini sa pahina 2 sang Magkabuhi sing Wala Katapusan! nga libro, puede ini ipatan-aw kon nagabinagbinag sang Magkabuhi sing Wala Katapusan! nga brosyur. Makita sa video kon ano ang iya matun-an sa libro kag kon ano ang iya mapaabot sa sini nga pagtuon.

Bisan pa lainlain ang katuyuan sang kada video, puede naton mapatan-aw ukon mapadala sa ila ang bisan ano nga video kon nagakaigo. Ginapalig-on ang mga manugbantala nga mangin pamilyar sa sini nga mga video kag gamiton ini pirme sa ministeryo.