Abril 1-7
SALMO 23-25
Ambahanon 4 kag Pangamuyo | Nagabukas nga Komento (1 min.)
1. “Si Jehova ang Akon Manugbantay”
(10 min.)
Ginatuytuyan kita ni Jehova (Sa 23:1-3; w11 5/1 31 ¶3)
Ginaamligan kita ni Jehova (Sa 23:4; w11 5/1 31 ¶4)
Ginapakaon kita ni Jehova (Sa 23:5; w11 5/1 31 ¶5)
Ginaatipan ni Jehova ang iya mga alagad pareho sa pag-atipan sang mapinalanggaon nga manugbantay sa iya mga karnero.
PAMANGKUTA ANG IMO KAUGALINGON, ‘Paano ako ginaatipan ni Jehova?’
2. Espirituwal nga mga Hiyas
(10 min.)
Sa 23:3—Ano ang “dalanon sang pagkamatarong,” kag ano ang himuon naton para indi kita maglisa sa sini? (w11 2/15 24 ¶1-3)
Sa imo pagbasa sa Biblia sini nga semana, ano nga espirituwal nga mga hiyas ang gusto mo ikomento?
3. Pagbasa sa Biblia
(4 min.) Sa 23:1–24:10 (th tulun-an 5)
4. Pagsugod sa Pag-istoryahanay
(3 min.) INDI PORMAL NGA PAGPANAKSI. Magbasa sang isa ka teksto sa Biblia sa imo kaistorya nga nabalaka sa nagakatabo sa aton palibot. (lmd leksion 2 punto 5)
5. Pagbalik sa mga Interesado
(4 min.) PAGPAMALAYBALAY. Ipakita kon paano ginahimo ang pagtuon sa Biblia sa isa nga nagbaton sang Magkabuhi sing Wala Katapusan! nga brosyur. (lmd leksion 9 punto 3)
6. Pagtudlo Agod Mangin Disipulo
(5 min.) lff leksion 14 punto 4 (lmd leksion 11 punto 3)
Ambahanon 54
7. Indi Pagpamatii ang Tingog sang mga Estranghero
(15 min.) Paghinun-anon.
Kilala sang literal nga mga karnero ang tingog sang ila manugbantay kag nagasunod sila sa iya. Pero nagapalagyo sila sa estranghero kay indi nila kilala ang iya tingog. (Ju 10:5) Sing kaanggid, nagapamati man kita sa tingog sang aton mapinalanggaon kag masaligan nga espirituwal nga mga Manugbantay, si Jehova kag si Jesus. (Sa 23:1; Ju 10:11) Pero wala naton ginapamatian ang tingog sang mga estranghero kay ginapaluya nila ang aton pagtuo paagi sa ila “himuhimo nga mga sugilanon.”—2Pe 2:1, 3.
Mabasa sa Genesis kapitulo tres ang una nga tion nga nabatian ang tingog sang isa ka estranghero sa duta. Paagi sa man-ug, gin-istorya ni Satanas si Eva, gani wala kabalo si Eva kon sin-o gid ang iya ginaistorya. Nagpakunokuno si Satanas nga isa ka abyan, pero nagbinutig sia parte sa ginsiling kag motibo ni Jehova. Makapasubo nga namati si Eva kay Satanas, gani nag-antos sia pati ang iya pamilya.
Subong, ginatinguhaan gid ni Satanas nga magduhaduha kita parte kay Jehova kag sa iya organisasyon paagi sa pagpalapta sang negatibo nga mga report, indi matuod nga impormasyon, kag kabutigan. Kon mabatian naton ang tingog sang estranghero, dapat maglikaw kita! Delikado gid kon curious kita kag mamati bisan sing makadali lang. Sa ila malip-ot nga pag-istoryahanay, pila lang ka tinaga ang gingamit ni Satanas para patalangon si Eva. (Ge 3:1, 4, 5) Pero ano abi kon ang negatibo nga impormasyon parte sa organisasyon ni Jehova naghalin sa isa nga nagapalangga sa aton kag may maayo man nga intension?
Ipatan-aw ang VIDEO nga Isikway “ang Tingog sang mga Estranghero.” Dayon pamangkuta ang tumalambong:
Ano ang natun-an mo sa ginhimo ni Jade sang ginsugiran sia sang iya iloy sang negatibo nga impormasyon parte sa organisasyon ni Jehova?
8. Pagtinuon sang Kongregasyon sa Biblia
(30 min.) bt kap. 8 ¶1-4, mga kahon sa p. 61-62
